مەقسەتسىز چاقچاق ئون مىڭ يۈەن ئامەت ئېلىپ كەلدى

ئاددىي تۇرمۇش خۇشاللىقلارغا چۆمگەن بۇلىدۇ، كىچىككىنە بىر تال لاتارىيە بىلىتى زور خۇشاللىق ئېلىپ كېلىشى مۇمكىن. 3 ـ ئاينىڭ 22 ـ كۈنى، يەكەن ناھىيەسى 65310263 پاراۋانلىق لاتارىيە پونكىتىدىن خۇش خەۋەر تارقالدى، بۇ پونكىتتىكى لاتارىيەچى ئا ئەپەندى (ئۆزگەرتىلگەن ئىسمى) قىرىپ خۇشاللىق ئىزدەش ئويۇى «دەرىجىدىن تاشقىرى كۈچ» لاتارىيە بىلەت تۈرىدە 10000 يۈەن مۇكاپاتقا ئېرىشتى.

ئا ئەپەندىنىڭ پاراۋانلىق لاتارىيەسى ئويناۋاتقىنىغا كۆپ يىل بولغان بۇلۇپ، ھەر قېتىملىق لاتارىيە سېتىۋېلىشى كۆڭۈلگە باغلىق ئىدى، خۇشال بولغاندا كۆپرەك سېتىۋالاتتى، ئادەتتىكى چاغلاردا ئازراق سېتىۋالاتتى. 22-مارت چۈشتە، ئا ئەپەندى 65310263 پاراۋانلىق لاتارىيە پونكىتىغا كەلدى، ئۇ مال ساتقۇچى شياۋچېن بىلەن ناھايىتى تونۇش بولغاچقا، چاقچاق قىلىپ:« شياۋچېن، ماڭا چوڭ مۇكاپات چىقىدىغان لاتارىيە بىلىتى قالدۇرۇپ قويدىڭىزمۇ؟»-دېدى، شياۋ چېن ئۇنىڭ چاقچىقىغا جاۋابەن:« قالدۇرۇپ قويدۇم! مانا "دەرىجىدىن تاشقىرى كۈچ" بېلىتىدىن مۇشۇ بەش تاللا قالدى، سىزگە قالدۇرۇپ قويدۇم! مۇكاپات چىقسا مېھمان قىلىشنى ئۇنتۇپ قالماڭ ھە!»-دېدى، ئا ئەپەندى قاقاقلاپ كۈلۈپ كەتتى، ئۇ لاتارىيە بىلىتىنى قىرىپ ئۈچىنچى پارچىسىغا كەلگەندە، ئويلىمىغان يەردىن چاقچاق راستقا ئايلاندى، ئا ئەپەندى 10 مىڭ يۈەن مۇكاپاتقا ئېرىشتى.

مۇكاپاتقا ئېرىشىش تەسىراتى ئۈستىدە توختالغاندا، ئا ئەپەندى كۈلۈپ تۇرۇپ:«دەسلەپتە كاتتا مۇكاپاتقا ئېرىشىشقا تەلپۈنۈشتىن ھازىردىكى تەمكىن روھىي ھالەتتە بولدۇم، شۇنداق بولغاندىلا ئاندىن لاتارىيە بېلىتى سېتىۋېلىش ئېلىپ كەلگەن خۇشاللىقتىن بەھرىمەن بولغىلى بۇلىدۇ، ساغلام روھىي ھالەتتە لاتارىيە سېتىۋېلىش خۇشاللىق ئىچىدە.»-دېدى. (قەشقەر جاڭيەن)