پاختا پىششىقلاش كارخانىلىرى ئوچۇق خەت

يېقىنقى كۈنلەردىن بۇيان، ئاپتونوم رايونىمىزدىكى نۇرغۇن جايلاردىكى پاختىكارلارنىڭ دېھقانچىلىق ۋاقتىنى چىڭ تۇتۇپ، يېڭى پاختىنى ئۈزۈپ سېتىشنى چىڭ تۇتۇپ، جايلاردىكى پاختا پىششىقلاش كارخانىلىرىنىڭ تۈرلۈك خىزمەتلەرنى ياخشى ئىشلەپ، بۇ يىللىق يېڭى پاختا سېتىۋېلىش خىزمىتىنىڭ ئوڭۇشلۇق ئېلىپ بېرىلىشىغا كاپالەتلىك قىلىش ئۈچۈن، ئاپتونوم رايونلۇق پاختىچىلىق تەرەققىياتى رەھبەرلىك گۇرۇپپىسى ئىشخانىسى «پاختا پىششىقلاش كارخانىلىرى ئوچۇق خەت»نى ئالاھىدە ئېلان قىلدى：

پاختا پىششىقلاش كارخانىلىرى：

2022-يىللىق يېڭى پاختا سېتىۋېلىش خىزمىتى باشلاندى، كۆپچىلىكنىڭ ئەڭ يېڭى سىياسەتلەرنى توغرا چۈشىنىشىگە ياردەم بېرىش ئۈچۈن، بىز پاختىنىڭ نىشانلىق باھا سىياسىتىنىڭ مۇھىم نۇقتىلىرى ۋە دىققەت قىلىشقا تېگىشلىك ئىشلارنى يىغىنچاقلاپ، كۆپچىلىككە ئوچۇق خەت شەكلىدە ئۇقتۇردۇق：

بىرىنچى، 2022-يىلى ئاپتونوم رايونىمىز «ئاپتونوم رايوننىڭ پاختا پىششىقلاش كارخانىلىرىنىڭ سەمىمىي تىجارەت قىلىشىنى باھالاپ باشقۇرۇش چارىسى» نى بېسىپ تارقاتتى، سىلەرنىڭ ئەستايىدىل سېلىشتۇرۇپ، سەمىمىي تىجارەت قىلىشنى قېلىپلاشتۇرۇپ، بەلگىلىمىگە خىلاپ قىلمىشلارنى توسۇپ، ئالاقىدار تارماقلارنىڭ تەكشۈرۈشىگە پائال ماسلىشىشىڭلارنى سورايمىز.

ئىككىنچى، ئاپتونوم رايونىمىزنىڭ پاختا سېتىۋېلىش مۇددىتى قىسقا، پاختا پىششىقلاش كارخانىلىرىنىڭ يادرولۇق رىقابەت كۈچىنى ئاشۇرۇپ، كارخانىلارنىڭ سەمىمىيەت سىستېمىسى قۇرۇلۇشىنى كۈچەيتىپ، خەۋپ-خەتەرنىڭ ئالدىنى ئېلىش ۋە ئۇنى تىزگىنلەش ئېڭىنى كۈچەيتىپ، ئاپتونوم رايونىمىزنىڭ پاختىچىلىق كەسپىنىڭ يۇقىرى سۈپەتلىك تەرەققىياتىنى ئورتاق ئىلگىرى سۈرۈش كېرەك.

1. ئاپتونوم رايونىمىزنىڭ پاختا نىشانلىق باھا ئىسلاھاتى سىياسىتىنى پائال تەشۋىق قىلىپ، سېتىۋېلىش رايونىنىڭ كۆزگە چېلىقىدىغان يېرىگە پاختا پىششىقلاش كارخانىلىرىنىڭ ئېلان تىزىملىكىنى چاپلاپ، پاختىنىڭ نىشانلىق باھا ئۇچۇر سۇپىسىغا ماس كېلىدىغان يۇمشاق دېتالنى ئورنىتىپ، تېرمىنال، تور قاتارلىق قاتتىق دېتال ئەسلىھەلىرىنىڭ ساق، راۋان بولۇشىغا كاپالەتلىك قىلىپ، چىگىتلىك پاختىنى سېتىش ئۇچۇرىنى ۋاقتىدا كىرگۈزۈپ ۋە ئۇچۇر سۇپىسىغا ۋاقتىدا يوللاپ، باج تالونى ۋە قاداق تالونى ئۇچۇرى بىلەن بىردەك بولۇشقا كاپالەتلىك قىلىش كېرەك.

2. دۆلەت ۋە ئاپتونوم رايوننىڭ ئالاقىدار قانۇن، نىزام ۋە بەلگىلىمىلىرىگە قاتتىق رىئايە قىلىپ، «ئاق ھۆججەت» بەرمەسلىك، دەرىجە ۋە باھانى تۆۋەنلەتمەسلىك، پاختىنى چۆرگىلىتىش، ساختا تالون كېسىش، «ئاپتونوم رايون سىرتىدىكى پاختا» سېتىۋېلىپ ياردەم پۇلىنى ئالداپ ئېلىۋېلىش قاتارلىق بەلگىلىمىگە، قانۇنغا خىلاپ ھەرىكەتلەرگە قاتناشماسلىق كېرەك.

3. پاختا سۈپىتى مەجبۇرىيىتىڭلارنى ئەستايىدىل ئادا قىلىپ، «بىرنى سىناش، بەشنى بېكىتىش» قاتارلىق مەشغۇلات قائىدىلىرىنى قاتتىق ئىجرا قىلىپ، «سۇلۇق پاختا»، «ئارىلاش پاختا»غا قارشى تۇرۇپ، «ئۈچ يىپەك» قاتارلىق يات تالالارنى تاللاشنى كۈچەيتىپ، باھالاش، تەكشۈرۈشتە لاياقەتلىك بولغان ئۆلچەش، تەكشۈرۈش، كۆزىتىش قاتارلىق ئەسۋاب-ئۈسكۈنىلەرنى ئىشلىتىپ، بەلگىلەنگەن ۋاقىتتا پاختىنى كەسپىي نازارەت قىلىپ باشقۇرۇش ئىسكىلاتىغا ئاپىرىپ جامائەت خەۋپسىزلىكى تەكشۈرۈشى ئېلىپ بېرىشىڭلارنى سورايمىز ( ئۆزى ئىشلىتىدىغان پاختا بۇنىڭ سىرتىدا).

4. پاختا سېتىۋېلىشتىن بۇرۇن، پاختا ساتقان دېھقانلارنىڭ تېرىقچىلىق ئۇچۇرىنى ئالدىن تەكشۈرۈپ بېقىڭ، ئەگەر «پاختىكارلارنىڭ تېرىقچىلىق ئۇچۇرى كىرگۈزۈلمىگەن» دېگەندەك ئەسكەرتىشلەر كۆرۈلسە، پاختىكارلارغا ۋاقتىدا ئۇقتۇرۇپ قويۇڭ. كۆپ پارچە يەر تېرىغان پاختىكارلار پاختىكارلارغا پاختا سېتىپ بېرىدىغان يەرنىڭ ئۇچۇرىنى مۇئەييەنلەشتۈرۈشى كېرەك، كارخانا سەۋەبىدىن پاختىكارلارنىڭ سېتىپ بېرىش ئۇچۇرى خاتا خاتىرىلىنىپ قالسا ياكى ۋاقتىدا ئۇچۇر سۇپىسىغا كىرگۈزۈلمەي، پاختىكارلار تولۇقلىمىنى نەقلەشتۈرەلمىسە، كارخانا مەسئۇلىيەتنى ئۆزى ئۈستىگە ئالىدۇ.

5. پاختا سېتىۋالغاندا، پاختىكارلارغا ۋاقتىدا تالون كېسىپ بېرىش، تالون ئۇچۇرى يوللانغان سېتىۋېلىش ئۇچۇرى بىلەن بىردەك بولۇشى كېرەك. پاختىكارلارغا كېسىپ بەرگەن باج تالونىنىڭ ئەسكەرتىش كاتەكچىسىگە چوقۇم تەلەپ بويىچە قاداق نومۇرىنى تولدۇرۇڭ.

ئۈچىنچى، پاختا سېتىۋېلىش، پىششىقلاپ ئىشلەش مەزگىلىدىكى ئوت مۇداپىئە بىخەتەرلىكى خىزمىتىگە يۈكسەك ئەھمىيەت بېرىپ، «ئاپتونوم رايوننىڭ پاختا ئوت مۇداپىئە بىخەتەرلىكىنى باشقۇرۇش چارىسى» دىكى ئالاقىدار تەلەپلەرنى قاتتىق ئەمەلىيلەشتۈرۈش كېرەك.

شىنجاڭ ئۇيغۇر ئاپتونوم رايونلۇق پاختىچىلىق تەرەققىياتىغا رەھبەرلىك قىلىش گۇرۇپپىسى ئىشخانىسى

2022-يىل 10-ئاينىڭ 10-كۈنى

سەمىمىي ئەسكەرتىش : ئۈندىدار ئارقىلىق ئۈستىدىكى ئىككى ئۆلچەملىك كودنى سىكانىرلاپ، «پاختىكارلار ئۇنىۋېرسال مۇلازىمەت سۇپىسى» غا چىقساق، پىششىقلاش كارخانىلىرىنىڭ ئېلان قىلىش نەتىجىسىنى تەكشۈرەلەيمىز، پاختىكارلارنىڭ سېتىش سانلىق مەلۇماتىنى پاختىنىڭ نىشانلىق باھا ئۇچۇر سۇپىسىغا يوللىغان-يوللىمىغانلىقىنى تەكشۈرەلەيمىز.